Giovanni da Pian del Carpini

Giovanni da Pian del Carpini
Irudi gehiago
Roman Catholic Archbishop of Bar (en) 1248 - - Geoffroy of Bar (en) → Elizbarrutia: Roman Catholic Archdiocese of Bar (en)
Bizitza
Jaiotza	Magione, c. 1182
Heriotza	Bar, 1252ko abuztuaren 1a (69/70 urte)
Hezkuntza
Hizkuntzak	latina
Irakaslea(k)	Frantzisko Asiskoa
Jarduerak
Jarduerak	esploratzailea, apaiz katolikoa, diplomazialaria, historialaria, idazlea eta misiolaria
Lan nabarmenak	ikusi Ystoria Mongalorum (en)
Sinesmenak eta ideologia
Erlijioa	Erromatar Eliza Katolikoa
Erlijio-ordena	Frantziskotarren Ordena Anaia Txikien Ordena

Giovanni da Pian del Carpini (Pian del Carpini, Umbria, Italia, 1182 – Antivari, 1252ko abuztuaren 1a) frantziskotar apaiza izan zen, San Frantzisko Asiskoaren dizipulua. Germaniako eta Espainiako nagusi, eta Antivariko artzapezpiku izan zen.

Mongolek Europari egindako eraso handiaren ondoren (Liegnitzeko gudua, 1241eko apirilaren 9a), Inozentzio IV.a aita santuak mongolen khanarengana bidali zuen, ordezkari gisa, ahal izanez gero bakea lortzera, eta bide batez haien indarra, jokaera, eta bestelako informazioa biltzera. 1245eko Pazko egunean irtenik, Batu Khanengana, Mongolen Inperioko mendebaldeko buruzagiarengana, iritsi zen, Volga ibaiaren ondoan. Hark Karakoruma, mongoliarren inperioko hiriburura, bidali zuen. Asia erdialde osoa igarota, Güyük Khanen, Ögodei Khanen ondorengoaren koroatzera iritsi zen. Pian del Carpinik ez zuen lortu khanaren asmoak aldatzerik. Bi urteko bidaia eginik, Asiari buruzko garrantzi handiko lan bat idatzi zuen, bidaia hartan oinarrituta: Historia Mongalorum quos nos tartaros apellamus (Guk tartaro deitzen ditugun mongolen historia). Mongolen bizimoduaren, ohituren eta historiaren berri emateaz gainera, Asiako beste hainbat herriren deskribapena ere egin zuen, Erdi Aroan kristauen aldetik egin zen zehatzena. Geografiari dagokionez zenbait akats zituen, baina zenbait urte geroago, Gilermo Rubrouckekoak zuzendu zituen. Pian del Carpiniren liburuak, edo haren laburpen batek, eragin handia izan zuen Europan, Errenazimentura arte.

Erreferentziak

• Datuak: Q315149
• Multimedia: Giovanni da Pian del Carpine / Q315149